ہم اپنے تمام ملازمین کے لیے، یکساں مواقع اور منصفانہ سلوک کی فراہمی اور ملازمت میں مساوات کو فروغ دے کر ایک جامع افرادی قوت پیدا کرنے کے تئيں پرعزم ہیں۔

واقعی جامع ہونا ہمارے بنیادی اقدار میں سے ایک ہے۔ ایک جامع ثقافت کو فروغ دینا، جہاں ہر ملازم کو بااختیار بنانے کے شعور اور تعلق رکھنے کا احساس ہو ہماری کامیابی کے لیے اہم ہے۔

ہمارے لیے ضروری ہے کہ ہم رفقائے کار کے ساتھ بالکل اسی طرح سے برتاؤ کریں جس طرح کہ ہم اپنے ساتھ برتاؤ کیے جانے کی توقع رکھتے ہیں، ان کی خصوصیات اور آراء کا احترام کریں، اور کسی بھی طرح کے غیر قانونی امتیازی سلوک کو رواج نہ دیں۔

امتیاز میں نسل، نسب، رنگ، صنف، عمر، معذوری، جنسی رجحان، صنفی شناخت یا اظہار، طبقہ، مذہب، سیاست، ازدواجی حیثیت، حمل کی حالت، کسی یونین کی رکنیت، سگریٹ نوشی کی عادتوں، یا قانون کے ذریعہ تحفظ یافتہ کسی دیگر خصوصیت کی بنیاد پر کسی بھی ملازم کی تقرری، فروغ، ترقی یا اخراج کے وقت اپنے فیصلہ کو متاثر ہونے کا موقع دینا شامل ہو سکتا ہے (لیکن یہ صرف اسی تک محدود نہیں ہے)۔

یہ اس ILO کنوینشن 111 کے تئیں ہماری تائید کی عکاسی کرتا ہے جو مقام کار میں امتیاز کے خاتمہ سے متعلق بنیادی اصولوں کی وضاحت کرتا ہے۔

شفافیت کو فروغ دینے اور خود کو جوابدہ رکھنے کے لیے، ہم ایک سالانہ تنوع اور شمولیت کی رپورٹ شائع کرتے ہیں جس میں تنوع اور شمولیت کو بہتر بنانے کے لیے ہمارے عزم اور توجہ مرکوز کی جانے والی کوششوں کے ساتھ ساتھ ہماری صنفی اور نسلی تنخواہ کی رپورٹنگ کی تفصیلات دی گئی ہیں۔

ہراسانی اور دھونس جمانے کی سبھی شکلیں مکمل طور پر ناقابل قبول ہیں۔ مقام کار سے اس طرح کے اعمال یا رویوں کو مٹانے کے تئیں ہم پرعزم ہیں۔

ہراسانی اور دھونس جمانے میں ایسا کوئی بھی جنسی، زبانی، غیر زبانی اور جسمانی رویہ شامل ہے، جو توہین آمیز، ذلت آمیز یا دھمکی آمیز ہو، لیکن یہ صرف انہیں تک محدود نہیں ہے۔

اگر ہم اس طرح کے رویہ، یا ایسے رویہ کا مشاہدہ یا سامنا کرتے ہیں جو کسی بھی دیگر انداز میں ناقابل قبول ہے تو ہمیں اس کی رپورٹ اپنے لائن مینیجر کو کرنی چاہیے۔ہم اعتماد کا ایک ایسا ماحول فراہم کرنا چاہتے ہیں جہاں ملازمین مسائل اٹھا سکیں اور ہم تمام متعلقہ افراد کے اطمینان کی حد تک فوری تصفیہ کا ہدف رکھتے ہیں۔

ملازمین مقامی شکایت کی کارروائیوں یا گروپ اسپیک اپ چینلز کے توسط سے مسائل کو اٹھا سکتے ہیں۔

ہم ایسے معاوضے کی فراہمی کے لیے پرعزم ہیں جو منصفانہ، واضح اور مساوی ہو۔

گروپ کمپنیوں کے لیے کم سے کم اجرت سے متعلق تمام قوانین کی تعمیل کرنا لازمی ہے، اور ہماری حکمت عملی یہ ہے کہ انعام کی سطحیں مقامی علاقہ میں مسابقتی ہوں۔

ہم اپنے ملازمین کے لیے لچکدار کام کی حمایت کرنے کے لیے پرعزم ہیں۔

گروپ کمپنیوں کے لیے، کسی بھی قانونی طور پر واجب قرار دیئے گئے زیادہ سے زیادہ کام کے گھنٹوں کی شرائط کو مدنظر رکھتے ہوئے، کام کے اوقات سے متعلق تمام قابل اطلاق قوانین کی تعمیل کرنا لازمی ہے۔